Det nærmar seg no skulestart på dei vidaregåande skulane våre. Den raudgrøne regjeringa har dei siste fire åra brukt over 1 milliard kroner på å sikre at alle elevar og lærlingar får gratis skulebøker, utstyr og materiell. Ordninga har gradvis vore trappa opp og ved skulestart no i august vil valløftet være heilt gjennomført!

Den 14 september er det val. Høgre har sagt at dei vil fjerne denne ordninga. . I det nye stortingsvalprogrammet seier dei ingenting om at opplæringa skal være gratis, og Høgre har stemt mot ordninga i Stortinget.

Dersom Høgre-sida vinn valet den 14 september betyr det at 187.000 skulelevar må betale tusenvis av kroner i året for bøker og materiell. Det betyr at ein vanleg elev kan risikere å måtte betale over 10.000 kroner i året for sin vidaregåande opplæring.

For AUF er det ein seier for alle elevar at gratisprinsippet no er lovfesta og utdanninga er gratis. Og sånn vil vi at det skal fortsette å være!

Vi treng di hjelp til å sikre at det fortsatt skal være sånn etter valet den 14 september.

Kjetil Hafstad, Flora AUF