Yangshou- Li River

Dei som enno ikkje har fått oppleve det eksotiske og vidstrakte Kina, bør sette av tolv dagar i påska neste år. Då dreg Fred-Arild Grøneng på sin tredje tur som reiseleiar for Hagelaget til Kina igjen. Turen vert ein rundtur med temaet: ”Rundreise i natur og kultur” og er såleis ingen smal hagetur. Den vert ein kombinasjon av dei førre turane og har start og avslutning i Beijing. Ein nattleg togtur tek ein til Suzhou, Kinas svar på Venezia, og deretter går turen til Shanghai. Så flyg ein sørvestover mot Yunnanprovinsen til Lijiang med majestiske landskap og eit konglomerat av Kinas mange minoritetsfolk. Frå fjellandskapet går så turen sørover til Guilin, og etter ei natt der, cruisar ein nedover Lielva som slyngar seg mellom sukkertoppåsar av kalkstein i eit dampande eksotisk sletteland. Perla i dette området er Yangshuo, der ein stoppar ein dag før turen går attende til Beijing med avslutning i Den Forbodne Byen. Og før ein stig på flyet heim, kan all handel gjerast unna på den vidgjetne Silkemarknaden.
Overnattingane er på førsteklasses hotell og med full pensjon på ulike restaurantar der ein får teste ut dei mange kinesiske kjøkkena. Dei fleste aktivitetane er inkluderte, men nokre er valbare tillegg slik at ein i den tida kan utforske små idyllar på eiga hand.

HER finn du heile programmet, pris og bilde fra stadane turen går til.

Kontakt Fred-Arild Grøneng 99166451 eller hageflor@online.no for meir informasjon

Vi har tre plassar att, men må ha PÅMELDING SÅ SNART RÅD ER ETTER NYTTÅR!

Dette skriv turoperatøren %{color:red}*mitt*%KINA:

- Bli med på ei spennande vandring frå vårlege fargar på Den Store Muren til Kunming «Byen med evig vår», og frå skyskraparar i verdsbyen Shanghai til den vesle idyllen Lijiang mellom majestetiske fjell. Opplev keiserleg arkitektur og storslegen natur, fantastiske kulturopplevingar og eksotiske kulinariske oppdagingar.
- Reisa startar i det 3.000 år gamle Beijing, Kina sin hovudstad. I alt 33 keisarar har regjert landet herfrå. Å komme til Beijing er som å stige inn i ei av verdas eldste historiebøker. Her ligg gamle historiske bygningar side om side med notidas moderne arkitektur. Mange drøymer om å spasere på Den Kinesiske Muren og nyte ein enorm, nesten urøyrd natur. Andre gler seg over den historiske atmosfæren i Den Forbodne Byen eller eit besøk i Sommarpalasset, med dei best bevarte keisarlege hagane i Kina.
- I Suzhou stod vogga til Wu-kulturen, og den er ein av dei eldste byane ved nedre løpet til Yangzielva. Byen vart grunnlagd kring 500 år før Kristus. Etter generasjonar med forfall har det pågått omfattande restaurering og oppattbygging sidan 1950-talet.
- Yunnan er ein provins i Kina. Med utgangspunktet i Lijiang, reiser vi og besøkjer små perler som byr på store historiske fornminne, uvanleg fargerik kultur og vakre naturlandskap. Provinsen er berømt for det enorme mangfaldet av planter, og mange av våre hageplanter har vorte henta herfrå. Dei fleste av Kina sine mange minoritetsfolk er også representert i Yunnan.
- Turen går vidare til den sørkinesiske idyllen Guilin. Byen var ein gong hovedstaden i Guangxi. Guilin er kjend for sitt vakre landskap som ein ofte finn att i kinesiske landskapsmåleri. Grøne kalksteinsberg reiser seg som store sukkertoppar over slettelandet, og vakre elver buktar seg gjennom dei grøne rismarkene.
- Shanghai er ein verdsby med 17 millionar innbyggarar. Med ei blanding av kinesisk og europeisk kultur banker byen sin puls i ein særeigen rytme. Shanghai er i dag den mest moderne og ekspansive byen i Kina, og gatebildet er prega av flammande neonlys og skyskraparar med dristig arkitektur.

Beijing- Sommarpalasset

Beijing- Den Himmelske Freds Plass

Beijing- The Great Wall

Suzhou- Huqiu-parken

Suzhou-Kinas Venezia

Shanghai- Skyline at Night

Shanghai- Folkets Plass

Lijiang- Black Dragon Pool

Lijiang- Jade Dragon Mountain

Kunming- Hot Pot

Guilin

Yangshou-Slangevin mot ryggvondt

Beijing- Den Forbodne Byen

Glade Kinabarn

Kunming-kvinne frå minoritetsfolk

Naxi-Minoritetsfolk

Lijiang-A coming star

Yakoksar

Magnolia

Trepion

Kamelia

Clivia