Kinnakyrkja2

Kinn Turistservice ventar med guide på kaia. Det blir vandring på øya frå kaia til kyrkja – ein tur på omlag 40 minutt i roleg gange langs ein vel 1 km lang grusveg. På turen får du mellom anna høyre om dei store sildefiskeria ved Kinn. I kyrkja, som er ei av dei eldste i landet, får du ei spesiell stemningsoppleving. Omvisinga er ei tidsreise med tonefølgje, der ein får høyre om kyrkja si utvikling, frå 1100-talet og fram til i dag.
Etter omvisninga har ein tid til å utforske øya på eiga hand. I tillegg er det er sal av mat og kaffi i Kinn gjestehus. Båten går frå Kinn kl 20.30.